ــ][عــــــــلــــــــيــــــــك أخـــــــــــــاف][ــ

ودي اجيك من التعـب ثـم أضمـك
وتشوف أنا وشلون عايش بلياك

قربك عطر ودي من البعد أشمـك
أخـاف يبـرد مابقـى لـي بـذكـراك

أبنثـرك فـي عـروق قلبـي ولـمـك
وأحسسك بالحب فـي يـوم لقيـاك

باقـي معـي أغـلـى هـديـه تهـمـك
صورتك كاتب فوقها مقدر أنساك

متـى يزيـن الوقـت وأكـون يـمـك
اقلـهـا اعــرف ظـروفـك ودنـيـاك

ياليتني في أنفاس روحـك ودمـك
أبقى معـك وأعيـش الأيـام ويـاك

ياكثر مانـي بغربتـي شلـت همـك
انشد نجوم الليل من عقب فرقاك

عليك أخاف أكثر من أبوك وأمـك
والله ماتلقـى مثـل قلـبـي أغــلاك

مارتاح أنا من الوله ليـن أضمـك
وأعلمـك وشـلـون حـالـي بلـيـاك